Suspek sa Paris attacks, dadalhin na sa France
Nagdesisyon ang isang korte sa Belgium na maaring ma-extradite sa France ang itinuturong utak ng Paris attacks na si Salah Abdeslam.
Ayon kay Cedric Moisse na abgoado ni Abdeslam, ibinaba na ng kaniyang kliyente ang una nitong pag-tutol sa pagpapadala sa kaniya sa France.
Bukod dito, muling nag-alok si Abdeslam na makipagtulungan sa mga otoridad sa France.
Matapos ang pagkaka-aresto sa kaniya noong March 18, sinagot ni Abdeslam ang ilan sa mga tanong ng mga imbestigador ngunit iginiit ang kaniyang right to silence kasunod ng mga pambo-bomba sa Brussels noong March 22.
Naniniwala ang mga imbestigador na iisa lamang ang grupo sa ilalim ng Islamic State ang nasa likod ng mga pag-atake sa Paris at sa Brussels.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.