Mga aktibong kaso ng COVID-19 sa Quezon City, nasa 975
Nasa 97 pa ang mga bagong naitalang kaso ng COVID-19 sa Quezon City.
Sa datos ng Quezon City Health Department, umabot na sa 28,382 ang bilang ng mga kumpirmadong kaso ng nakakahawang sakit sa lungsod hanggang 8:00, Miyerkules ng umaga (January 6).
Ang nasabing bilang ng kaso ay na-validate na ng QCESU at district health offices.
Samantala, nasa 975 o katumbas ng tatlong porsyento ang itinuturing na aktibong kaso ng pandemiya.
Umabot naman sa 265 ang bagong gumaling sa lungsod.
Bunsod nito, 26,635 o 94 porsyento na ang total recoveries sa COVID-19 sa lungsod habang 772 o tatlong porsyento ang nasawi.
Batay pa sa datos, nasa 140,875 ang suspected COVID-19 cases na kabilang na isinagawang contact tracing.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.