Duterte maghapong nagpahinga sa kanyang birthday
Imbes na magpa-party kaugnay sa kanyang 71st Birthday ngayong araw, maghapong nagpahinga at natulog sa kanyang bahay sa Davao City si Mayor Rodrigo Duterte.
Sinabi ni Christopher Go, executive assistant ni Duterte na kailangan ng kanilang pambato ng pahinga dahil nalalapit na ang final stretch para sa nalalapit na eleksyon sa May 9.
Mas pinaghahandaan daw ngayon ni Duterte ang puyat at pagod na kanyang haharapin sa mga susunod na araw lalo’t mas hahabaan nila ang oras para sa pangangampanya.
Nilinaw din ng kampo ni Duterte na kahit sa kanyang mga nakalipas na kaarawan ay hindi magastos sa mga paghahanda ang alkalde.
Aminado rin ang kampo ng presidential candidate na hindi na bata ang kanilang kandidato kaya’y kung may pagkakataon ay sinasamantala ni Duterte ang pagpapahinga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.