BREAKING: Mga nagpositibo sa COVID-19 sa Pilipinas, umabot na sa 452,988
Mahigit 1,000 muli ang panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Miyerkules (December 16), umabot na sa 452,988 ang confirmed cases ng nakakahawang sakit sa bansa.
Sa nasabing bilang, 24,873 o 5.5 porsyento ang aktibong kaso.
Sinabi ng kagawaran na 1,156 ang bagong napaulat na kaso ng COVID-19 sa bansa.
84.7 porsyento sa active COVID-19 cases ang mild; 6.7 porsyento ang asymptomatic; 0.30 porsyento ang moderate; 2.8 porsyento ang severe habang 5.6 porsyento ang nasa kritikal na kondisyon.
Nasa 21 naman ang napaulat na nasawi.
Dahil dito, umakyat na sa 8,833 o 1.95 porsyento ang COVID-19 related deaths sa bansa.
Ayon pa sa DOH, 425 naman ang gumaling pa sa COVID-19.
Dahil dito, umakyat na sa 419,282 o 92.6 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.