Mayor Isko Moreno unang magpapaturok ng bakuna kontra COVID-19
Hindi mag-aatubili si Manila Mayor Isko Moreno na maunang magpaturok ng bakuna kontra COVID-19.
Ito ay kung makabibili na ang Pilipinas ng bakuna sa ibang bansa.
Ayon kay Mayor Isko, nais niya kasing maipakita at mapatunayan sa harap ng taong bayan na ligtas ang magpabakuna kontra COVID-19.
Sa ganitong paraan din aniya mapapanatag ang kalooban ng publiko.
Samantala, naglaan na ang Pamahalaang Lungsod ng Maynila ng P250 milyong pondo sa kanilang 2021 budget para sa pagbili ng bakuna kontra COVID-19.
Ito’y upang matiyak na protektado laban sa nakamamatay na sakit ang 2.5 milyong mga Manilenyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.