Mataas na opisyal ng communist terrorist group, timbog sa Camarines Sur
Arestado ang isang babaeng mataas na opisyal ng communist terrorist group sa Barangay San Roque, Tinambac, Camarines Sur.
Kinilala ni Col. Jaime Abawag Jr., Brigade Commander ng 902nd Infantry Brigade, ang suspek na si Marilou Pascual Tan alyas “Tinay,” secretary ng Komiteng Probinsya 2 of Bicol Regional Party Committee (BRPC).
Si Tan ay itinuturing na high value individual (HVI).
Inaresto si Tan sa bisa ng warrant of arrest dahil sa kasong frustrated murder.
Ayon kay Abawag, nagsagawa ng operasyon ang 83rd Infantry Battalion (83IB), 902nd Infantry Brigade at PNP sa Barangay San Roque matapos makatanggap ng impormasyon na nasa lugar si Tan.
Nakumpiska kay Tan ang anti-personnel mines, hand grenade, caliber .38, wires, battery, at propaganda materials.
![](https://radyo.inquirer.net/files/2020/12/received_128673875560727-1.jpeg)
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.