90 percent ng wireless coverage ng Globe sa Bicol, Camarines Sur at Albay bagsak pa dahil sa power failure
Siyamnapung porsyento pa ng wireless coverage ng Globe sa Bicol, Camarines Sur at Albay ang bagsak dahil sa nararanasang power failure sa mga lalawigan.
Sa pahayag ng Globe, sinabi nitong ginagawa na nila ang lahat upang maibalik ang serbisyo sa mga lugar na nasalantala ng bagyong Rolly sa lalong madaling panahon.
Mayorya ng outages sa network service ng Globe ay dahil sa nararanasang power interruption sa mga nasalantang lugar.
Ayon sa Globe, sa NCR, available na ang internet/data services habang ongoing pa ang restoration operations para maibalik ng buo ang call and text messages service sa ilang piling lugar.
Sa Camarines Norte naman, fully restored na ang texts, calls, mobile at data/internet services.
Sa Samar at Western Samar, ang text at calls ay fully restored na din, subalit may problema pa sa data service sa ilang piling lugar.
Sa Bicol, Camarines Sur at Albay, 90% ng wireless coverage ng Globe ang bagsak pa dahil sa kawalan ng suplay ng kuryente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.