5-taong gulang na bata kabilang sa nasawi sa Guinobatan, Albay
Kabilang ang isang limang taong gulang na bata sa mga nasawi sa bayan ng Guinobatan sa Albay dahil sa pananalasa ng Typhoon Rolly
Ayon sa Philippine Red Cross (PRC) ang bata ay anak ni Salvador Manrique na inanod ng tubig-baha.
Ayon sa ama ng bata, bigla na lamang sumambulat ang rumaragasang baha sa kanilang barangay.
Hawak hawak niya ang kaniyang 5 taong gulang na anak ngunit nabitawan niya ito sa sobrang lakas ng agos ng tubig.
Sa bayan na ng Oas sa Albay o halos 25 kilometro ang layo sa Guinobatan natagpuan ang bata.
Napag-alaman na natangay rin ng tubig-baha ang asawa at isa pang anak na babae ni Manrique na hanggang ngayon ay hindi pa rin natatagpuan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.