SM Bonus sugar products binawi na sa merkado
Binawi na sa merkado ang mga produktong asukal ng SM Bonus.
Ito ay makaraang maglabas ng abiso sa publiko ang Food and Drug Administration (FDA) na nagbababala sa pagbili ng SM Bonus Brown Sugar at SM Bonus Refined Sugar.
Ayon sa FDA, hindi rehistrado sa kanila ang naturang mga produkto ng SM kaya hindi tiyak na ligtas bilhin at gamitin ang mga ito.
Sa inilabas na pahayag ng SM Markets, sinabi nitong binawi na nila sa merkado ang mga produkto nilang kasama sa FDA circular advisory No. 2020-1927.
Hindi muna ibebenta ang mga produktong asukal ng SM Bonus hanggang sa ang kanilang supplier ay magawa nang makatugon sa registration requirements ng FDA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.