Tinupok ng apoy ang isang eskwelahan sa Cebu City.
Nangyari ang sunog sa two-storey pre-school na Cambridge School sa Veteran’s Drive, Barangay Lahug alas 7:45 ng gabi ng Miyerkules, October 21, 2020.
Ayon sa Cebu City Fire Department umabot sa 2nd alarm ang sunog at ganap na naapula alas 8:33 ng gabi.
Sinabi ni Fire Officer 2 Emerson Arceo, na posibleng problema sa electrical wiring ang pinagmulan ng apoy.
Nakita kasi aniya ng naka-duty na security guard na mayroong nag-spark sa circuit breaker.
Luma na rin aniya ang gusali at 17 taon nang nirerentahan ng may-ari ng paaralan.
Tinatayang aabot sa P800,000 ang halaga ng mga natupok na ari-arian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.