Bilang ng mga Filipino sa abroad na nagpositibo sa COVID-19 umabot na sa 10,843 – DFA
Nadagdagan ng 3 ang bilang ng mga Filipino na apektado ng coronavirus disease o COVID-19 sa ibang bansa.
Sa datos ng Department of Foreign Affairs (DFA) (Martes, October 6), nasa 10,843 na overseas Filipinos (OFs) ang kumpirmadong positibo sa COVID-19 sa 79 na bansa at rehiyon.
Sa nasabing bilang, 3,141 ang patuloy na nagpapagamot sa iba’t ibang ospital kung saan 2 ang panibagong naitala.
Nanatili naman sa 6,903 ang bilang ng naka-recover o na-discharge na sa ospital.
Ang bilang naman ng mga Pinoy abroad na pumanaw dahil sa COVID-19 ay nasa 799 kung saan 1 ang nadagdag.
Pinakamarami pa ring naitalang confirmed COVID-19 positive na Filipino sa bahagi ng Middle East/Africa na may 7,127 na kaso.
Sumunod dito ang Europe na may 1,201 confirmed COVID-19 positive cases.
Nasa 1,705 naman ang kaso sa Asia Pacific Region at 810 sa Americas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.