Panukalang P4.5-T 2021 budget, lusot na sa ikalawang pagbasa ng Kamara; Session break ng mga kongresista, napaaga
Maagang tinapos ng Kamara ng kanilang sesyon upang bigyang daan ang kanilang Undas break.
Ito ay kasunod ng ginawang pag-apruba ng mga kongresista sa ikalawang pagbasa sa panukalang P4.5-trillion 2021 proposed national budget.
Sa kanyang privilege speech kaugnay sa laban sa Speakership post, nagmosyon si House Speaker Alan Peter Cayetano para sa pagpapatibay sa House Bill 7727 o ang 2021 General Appropriations Act.
Sinabi ni Cayetano na ang mosyon na aprubahan sa 2nd reading ang pambansang pondo upang patunayan sa mahigpit nitong kalaban sa pagka-Speaker na si Marinduque Rep. Lord Allan Velasco na hindi niya hino-hostage ang budget.
Binibigyan naman ang mga kongresista nang hanggang November 5 para isumite ang kanilang mga amendments sa pambansang pondo.
Magbabalik naman ang sesyon ng Kamara sa November 16.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.