Namataan ang bagyong ‘Falcon’ (Chan-hom) sa layong 1,495 kilometro sa silangang bahagi ng Luzon.
Sa 5:00 PM update ng PAGASA, nagtataglay ang bagyo ng maximum sustained winds na 130 kph malapit sa gitna at bugso na umaabot sa 160 kph.
Inaasahang patuloy na tatahakin ng bagyo ang direksyong west-northwest sa bilis na 20 kph.
Gayunman, hindi inaasahang magla-landfall ang naturang bagyo.
Ang Habagat o ‘monsoon rains’ ang siyang nagdadala ng mga pag-ulan sa Ilocos, Cordillera, MIMAROPA at mga lalawigan ng Bataan at Zambales.
Paminsan-minsang pag-ulan ang inaasahan sa Metro Manila at natitirang bahagi ng Gitnang Luzon. / Jay Dones
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.