Isang mambabatas, humirit sa DOTr na mamahagi ng libreng Beep cards
Humihirit si Quezon City Congressman Precious Hipolito-Castelo sa Department of Transportation (DOTr) na mamahagi ng libreng Beep o fare cards.
Pahayag ito ni Castelo matapos umangal ang mga pasahero sa P80 na bayad sa Beep card para makasakay sa edsa carousel bus.
Ayon kay Castelo, sa ganitong paraan, magkakaroon ng access ang mga pasahero sa mass transit system.
Base sa House resolution 1273 na inihain ni Castelo, inihihirit nito na bigyan ng libreng Beep card ang mga pasahero pati na ang nga sumasakay sa tren.
“It is hereby suggested that the Beep cards should be given to commuters for free, and there should be no usage fee charged on top of the prepaid load,” pahayag ni Castelo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.