375 katao, nahuling lumabag sa mga ordinansa sa Navotas City
Umabot sa 375 ang nahuling lumabag sa ipinatutupad na safety measures at iba’t ibang ordinansa sa Navotas City sa magdamag.
Batay ito sa ulat ng Navotas City police, Task Force Disiplina at mga barangay.
Nahuli ang nasabing bilang ng violators mula 5:00, Martes ng hapon (September 29), hanggang 5:00, Miyerkules ng hapon (September 30).
Pinakamaraming nahuling lumabag sa curfew na umabot sa 207 kung saan 125 ang adult habang 82 ang menor de edad.
Sumunod dito ang hindi nagsuot o hindi tama ang pagkakasuot ng face mask na umabot sa 145.
Anim naman ang bilang ng mga hindi sumunod sa isa hanggang dalawang metrong physical distancing.
Samantala, dalawa ang nahuling walang suot na damit pang-itaas habang siyam sa iba pang ordinansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.