Sec. Harry Roque, naka-self isolate matapos magpositibo sa COVID-19 ang isang security detail
Naka-self isolate si Presidential Spokesman Harry Roque.
Ito ay dahil sa nagpositibo sa COVID-19 ang isa sa kanyang security detail.
Gayunman, sinabi ni Roque na wala naman siyang nararanasang sintomas.
“Well, nag-positive po ang aking isang security detail. Wala naman po akong sintomas pero we’re following protocol po,” pahayag ni Roque.
Gayunman, bagamat naka-self isolate, tuloy pa rin sa trabaho si Roque.
Katunayan, tuloy ang regular press briefing ni Roque pero sa kanyang bahay na lamang ito ginawa.
Dadalo rin si Roque sa Inter-Agency Task Force meeting, Lunes ng gabi (September 7) kasama si Pangulong Rodrigo Duterte pero sa online o virtual meeting lamang siya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.