Lifetime validity ng PWD ID inihirit ni Sen. Lito Lapid
Nais ni Senator Manuel Lapid na maging pang-habambuhay na ang bisa ng PWD ID cards sa mga tao na pang-habambuhay na rin ang kapansanan.
Inihain ni Lapid ang Senate Bill 1795 para hindi na mahirapan pa ang PWD na magpa-renew ng kanilang ID kada tatlong taon.
Sa ngayon, kailangan ng re-evaluation sa kondisyon ng PWD para magpatuloy ang pagbibigay sa kanya ng mga benepisyo dahil sa kanyang kapansanan.
Ngunit katuwiran ng senador hindi na kailangan pa ang re-evaluation para sa mga bulag, bingi, nawalan ng bahagi ng katawan at may pre-existing birth defects.
“Marapat lamang na bigyan ng mas malawak na pang-unawa at konsiderasyon ang mga kababayan nating may kapansanan. Hindi na sila dapat pahirapan pang i-renew ang kanilang PWD ID lalo na kung ang kapansanan nila ay panghabang-buhay na.
Makakabigat lamang sa kanila ang pagsasailalim sa paulit-ulit na proseso ng pagkuha ng ID at pag-aaksaya lang din ito ng kanilang oras at salaping pambayad sa renewal fee,” katuwiran ng senador.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.