DFA inaalam na kung may apektadong Pinoy sa pagsabog na naganap sa Abu Dhabi
Inaalam na ng Department of Foreign Affairs (DFA) ang kalagayan ng mga Filipino matapos ang pagsabog sa Airport Road sa Abu Dhabi.
Ayon sa DFA, ang pagsabog ay naganap kahapon (Aug. 31) ng umaga sa isang gusali malapit sa Airport Road.
Dalawa na ang iniulat ng UAE authorities na nasawi sa nasabing pagsabog.
Ang isa ay malapit mismo sa lugar na pinangyarihan ng pagsabog habang ang isa pa ay tinamaan ng debris.
Wala pang inilalabas na detalye tungkol sa nationality ng mga nasawi.
Tiniyak ng DFA na mayroon nang mga tauhan ng Philippine Embassy sa Abu Dhabi na nakikipag-ugnayan sa mga otoridad.
Batay kasi sa inisyal na impormasyon, mayroong mga Pinoy na nagtatrabaho sa mga apektadong establisyimento.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.