LOOK: Sitwasyon sa MRT-3 sa pagbabalik operasyon ngayong araw
Labingwalong train sets na ang naka-deploy sa pagbabalik ng biyahe ng MRT-3 ngayong umaga.
Sa mga ibinahaging larawan ng DOTr MRT-3, agad dumagsa ang mga pasahero ng MRT-3 sa pagbubukas nito.
Ang unang tren mula sa North Avenue station papuntang Taft Avenue station ng ay bumiyahe alas 5:30 ng umaga.
Ang huling biyahe naman ng tren mula North Avenue station (Southbound) ay alas 9:10 ng gabi mamaya at at alas 10:11 ng gabi naman ang mula sa Taft Avenue station (Northbound).
Mahigpit nang ipinatutupad ang polisiya na ‘No Face Mask and Face Shield, No Entry’ para sa mga pasahero ng tren.
Hindi rin pinapayagan ang pagsasalita at pagsagot ng tawag sa anumang digital devices sa loob ng tren upang maiwasan ang pagkahawa ng mga commuters laban sa COVID-19.
Kinakailangan din na magsagot ng contact tracing form ang mga pasahero bago pumasok ng istasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.