Biyahe ng MRT at LRT balik na ngayong araw matapos suspindihin sa ilalim ng pag-iral ng MECQ
May serbisyo na muli ang mga tren ng MRT at LRT simula ngayong araw.
Ito ay matapos ang halos dalawang linggong suspensyon ng biyahe nang umiral ang modified enhanced community quarantine sa Metro Manila.
Sa abiso ng pamunuan ng LRT-1, LRT-2 at MRT-3 mahigpit na ipatutupad ang “No Face Mask No Face Shield No Entry” sa mga isitasyon at sa mga tren.
Bawal pa din ang pagsasalita o pakikipag-usap sa telepono sa loob ng tren para maiwasan ang hawaan ng sakit.
Kahapon nagsagawa na ng simulation test ang MRT-3 sa kanilang mga tren bilang paghahanda sa pagbabalik ng operasyon.
Ito ay para matiyak na maayos na gumagana ang 18 train sets, na binubuo ng 16 CKD train sets at 2 Dalian train sets.
Kaninang alas 5:00 ng umaga sinabi ng MRT-3 na mayroon silang 7 train sets na operational.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.