Pangulong Duterte may babala sa PhilHealth: Yayariin ko kayo!
Tiniyak ni Pangulong Rodrigo Duterte na mananagot ang mga opisyal ng PhilHealth na sangkot sa korapsyon sa ahensya.
Sa kaniyang pahayag, sinabi ng pangulo na yayariin niya ang mga tiwaling opisyal ng PhilHealth.
Ayon sa pangulo, maaring nakaligtas sa mga nagdaang administrasyon ang mga opisyal ng PhilHealth pero hindi sila makalulusot sa ilalim ng Duterte administration.
Para naman sa mga opisyal na inosente at hindi sangkot sa anomalya, wala aniyang dapat ipag-alala ang mga ito.
Magugunitang iniutos ng pangulo sa Department of Justice ang pagbuo ng Task Force na tututok sa anomalya sa ahensya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.