Pangulong Duterte naghahanap na ng pondo pambili ng face masks para sa lahat
Naghahanap na ng pondo si Pangulong Rodrigo Duterte para makabili ng face masks at maipamahagi ito ng libre para sa lahat.
Ayon kay Presidential Spokesperson Harry Roque hindi man kayaning mabigyan ng face mask ang lahat ng Filipino ay target ng pamahalaan na maibigay ito ng libre sa nakararami.
“Nagsabi rin po si Presidente na maghahanap siya ng pondo para bumili ng face mask na ipamimigay nang libre – sana po sa lahat, pero kung hindi kakayaning bigyan ang lahat, sa marami pa pong mga Pilipino,” ani Roque.
Sinabi ni Roque na ang pagsusuot ng face mask ay nakapagpapababa ng tsansa na mahawa sa sakit.
Kasabay nito ay hinimok ni Roque ang publiko na palagiang magsuot ng mask. sumunod sa social distancing at palaging maghugas ng kamay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.