P74,800 halaga ng shabu, nasabat sa Dumaguete City
Nagkasa ang mga otoridad ng buy-bust operation sa Dumaguete City, Negros Oriental Linggo ng gabi.
Ayon sa Philippine Drug Enforcement Agency Central Visayas (PDEA RO7), ginawa ang operasyon sa bahagi ng Barangay Looc bandang 10:05 ng gabi.
Nagresulta ang pagkakaaresto sa suspek na si Carlos Nelson Navarro II, 45-anyos.
Nakumpiska sa suspek ang 19 pakete ng hinihinalang shabu na nagkakahalaga ng P74,800, sling bag, digital weighing scale, at ginamit na buy-bust money.
Sasampahan ang suspek ng kasong paglabag sa Sections 5 at 11, Article 2 ng Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.