Pagpapauwi sa mga distressed OFW mula China at Uzbekistan hamon sa DFA
Malaking hamon para sa Department of Foreign Affairs ang pagpapauwi sa mga OFWs na mula sa China at Uzbekistan.
Sa pagdinig ng House Committee on Overseas Workers Affairs, sinabi ni Foreign Affairs Usec. Sarah Arriola, kinakailangan pa kasi nilang ipunin sa Guangzhou ang mga Pilipino mula sa iba’t ibang bahagi ng China bago mapauwi sa bansa.
Habang wala namang embahada ng Pilipinas sa Uzbekistan kaya nakikisuyo sa embahada ng bansa sa Tehran, Iran para maisabay sa paguwi ang mga OFWs.
Malaking problema naman dito ang lockdown dahil hindi pinapatawid sa Iran ang mga mula sa Uzbekistan.
Tumaas na sa 3,000 repatriated OFWs ang dumadating sa bansa kada araw.
Sinabi ni Ariola na ito ay mula sa dating 2,000 OFW lamang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.