P348,000 halaga ng shabu, nasabat sa Cebu City; 2 timbog
Arestado ang dalawang drug personality sa ikinasang buy-bust operation sa Cebu City, Lunes ng umaga.
Ayon sa Philippine Drug Enforcement Agency – Central Visayas (PDEA RO7), isinagawa ang operasyon sa bahagi ng Barangay Pasil bandang 10:47 ng umaga.
Nahuli sa operasyon ang mga suspek na sina Januario Mier, 28-anyos; at Marvin Mendoza, 24-anyos, kapwa residente ng Barangay Pasil.
Nakuha sa dalawa ang 47 packs ng hinihinalang shabu na may bigat na humigit-kumulang 51.25 gramo at nagkakahalaga ng P348,500.
Nakumpiska rin ang 10 walang laman na plastic sachet, isang itim na pouch, dalawang improvised plastic scooper, P580 cash, at ginamit na buy-bust money.
Kasong paglabag sa Sections 5 at 11, Article II ng Republic Act 9165 ang isasampa laban sa mga suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.