BREAKING: Mga tinamaan ng COVID-19 sa Pilipinas, lagpas 50,359 na; Higit 2,500 ang nadagdag
Nadagdagan pa nang halos 2,500 ang bilang ng tinamaan ng Coronavirus Disease o COVID-19 sa Pilipinas.
Sa huling datos ng Department of Health (DOH) hanggang 9:00, Miyerkules ng gabi (July 8), umabot na sa 50,359 ang confirmed cases ng nakakahawang sakit sa bansa.
Sa nasabing bilang, 36,457 ang aktibong kaso.
Sinabi ng kagawaran na 2,539 ang napaulat pang kaso ng COVID-19 kung saan 1,922 ang “fresh cases” habang 617 ang “late cases.”
Nasa lima pasyente ang nasawi kung kaya ang COVID-19 related deaths sa bansa ay 1,314 na.
Ayon pa sa DOH, 202 naman ang gumaling pa sa bansa.
Dahil dito, umakyat na sa 12,588 ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.