P100K na halaga ng shabu nakumpiska sa checkpoint sa Taguig
Arestado ang isang drug suspect makaraang mahulihan ng ilegal na droga sa isang checkpoint sa Brgy. Maharlika Village sa Taguig.
Nakuha sa suspek ang tinatayang aabot sa 15.89 na gramo ng shabu na aabot sa P108,052 ang halaga.
Nakilala ang suspek na si Victoriano Amesola, 48 anyos na tubong Lanao Del Norte.
Naharang ang suspek sa checkpoint ng mga tauhan ng Taguig City Police Sub-station 2.
Nakuhanan din siya ng .45 caliber pistol.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o ang Comprehensive Law on Firearms and Ammunition.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.