I-ACT nag-inspeksyon sa mga bumibiyaheng jeep
Nagsagawa ng inspeksyon ang Inter-Agency Council for Traffic (I-ACT) sa mga bumibiyaheng tradisyunal na jeep.
Ito ay upang suriin at tiyakin ang pagsunod ng mga ito sa mga pamantayang itinakda ng Land Transportation Franchising and Regulatory Board (LTFRB) sa pagbalik operasyon ng mga tradisyunal jeepney.
Kabilang sa tinitiyak ang pagsunod sa mga itinakdang health protocols gaya ng social distancing practice, pagsusuot ng facemask ng driver at pasahero.
Tiningnan din kung ang mga unit na pumapasada ay pumasa sa standard ng road worthiness.
Ininspeksyon ng mga tauhan ng I-ACT ang mga bahagi ng mga unit, kabilang ang mga gulong, headlight, tail light, preno, atbp. upang matiyak kung handa ang mga ito na pumasada sa kalsada ng ligtas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.