Roque kay Luis Manzano: mali ka ng intindi
Pumalag si Presidential Spokesman Harry Roque sa banat ni TV host Luis Manzano na ang University of the Philippines (UP) at hindi pala ang COVID-19 ang kalaban ng Pilipinas.
Ayon kay Roque, mali ang intindi ni Manzano nang i-congratulate niya ang Pilipinas dahil hindi naabot ng bansa ang hula ng UP na papalo sa 40,000 ang kaso ng COVID-19 pagsapit sa katapusan ng Hunyo.
Ayon kay Roque, kaunting intindi sana ang ginawa ni Manzano.
Ayon kay Roque, ang COVID-19 ang totoong kalaban habang ang UP ay parang ring side commentator na nagsasabi na ang magiging score ay 40,000.
Una nang umani ng batikos si Roque nang i-congratulate ang Pilipinas dahil sa pumalo lamang sa 37,000 na kaso ang COVID-19 ang naitala sa katapusan ng Hunyo taliwas sa hula ng UP na 40,000.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.