Steam inhalation, wala pang scientific evidence na nakakapatay ng COVID-19 – DOH
Nagbigay ng paglilinaw ang Department of Health (DOH) ukol sa steam inhalation o paglanghap ng steam bilang gamot sa COVID-19.
Sa press briefing, sinabi ni Health Undersecretary Maria Rosario Vergeire na wala pang scientific evidence na nagpapatunay na nakakapatay ang steam inhalation o “tuob” ng COVID-19.
Nagpaparami rin aniya ito ng secretion sa ilong na posibleng makahawa ng sakit sa pamamagitan ng pagbabahing o pag-ubo ng isang tao.
Sa mga nais magtuloy nito, nagpaalala si Vergeire na mag-ingat lalo na sa pagkasunog.
Sakaling manatili o lumala pa ang nararamdamang sintomas, sinabi ni Vergeire na dapat nang kumonsulta ng doktor.
Dagdag pa nito, epektibo pa ring paraan para maiwasan ang pagkalat ng COVID-19 sa pamamagitan ng paghuhugas ng kamay, pagsuot ng face masks, pagsunod sa social distancing, at pagtakip ng ilong at bibig tuwing uubo at babahing.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.