2 empleyado ng korte sa Taguig na nagkaroon ng direct contact sa COVID-19 patient, negatibo sa sakit
Balik na sa normal ang operasyon ng dalawang branch ng Taguig Metropolitan Trial Court simula sa July 1, 2020.
Ito ay kasunod ng pansamantalang pagpapatupad ng lockdown sa dalawang branch matapos na dalawang empleyado nito ang magkaroon ng direktang contact sa isang COVID-19 positive noong June 13.
Ayon sa memorandum ni Executive Judge Victoria Padilla – Awid, negatibo sa swab test ang dalawang empleyado ng Branch 74 at Branch 115 ng Taguig MeTC.
Sa kabila ng negatibong resulta, tatapusin na ang 14 na araw na quarantine sa Branch 74 at Branch 115.
Pinayuhan ang lahat ng court employees na sundin ang health protocols sa araw-araw na pagpasok sa trabaho.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.