P40M halaga ng shabu nasabat sa buy bust operations sa Pasay City
Aabot sa P40M halaga ng shabu ang nasabat ng mga tauhan ng District Anti-Illegal Drugs ng Southern Police District sa isinagawang drug buy bust operation sa Macapagal Ave, Pasay City.
Naaresto sa insidente ang isang Chinese National at ang kasama nitong Filipino driver na hindi muna ibinigay ang pangalan.
Nabatid na nagpanggap na bibili sana ng dalawang kilong shabu ang isang police asset at napagkasunduan na magkita sa parking lot ng isang fast food chain sa lugar.
Habang inaabot ang marked money at shabu agad itong dinakip ng mga otoridad ang susoek at nakumpiska ang kabuuang walong kilo ng shabu.
Nabatid mula kay Police Senior Supt. Eusebio Mejos, OIC ng Southern Police District na dalawang buwang sinubaybayan ng kanyang mga tauhan ang suspek bago naganap ang buy bust operation.
Nakakulong na sa SPD detention facility ang mga suspek habang Inaalam pa kung anong grupo ang kinabibilangan nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.