Health workers na tinamaan ng COVID-19, umabot na sa 2,606 – DOH
Iniulat ng Department of Health (DOH) na may mga panibagong healthcare workers na nagpositibo sa COVID-19 sa Pilipinas.
Sa datos ng kagawaran, umakyat na sa 2,606 ang bilang ng medical workers na tinamaan ng nakakahawang sakit hanggang May 31.
Sa nasabing bilang, 1,172 ang aktibong kaso kung saan 218 ang asymptomatic, 952 ang mild at dalawa ang may severe condition.
Narito ang naitalang kaso sa mga sumusunod na health worker:
– Physician o doktor – 709
– Nurse – 948
– Nursing Assistant – 168
– Medical Technologist – 104
– Radiologic Technologist – 52
Nasa 324 namang non-medical staff ang naapektuhan ng nakakahawang sakit.
Samantala, 1,402 ang mga naka-recover na health worker sa nakakahawang sakit hanggang May 31.
Sinabi pa ng DOH na 32 naman ang mga pumanaw na medical worker bunsod ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.