DOTr nilinaw ang suspensyon ng operasyon sa mga paliparan; mga paalis na commercial flights papayagan pa rin
Tanging ang inbound international passenger flights lamang ang suspendido sa mga paliparan sa bansa.
Paglilinaw ito ng Department of Transportation (DOTr) matapos ang naunang anunsyo kahapon na sususpindihin ang operasyon ng lahat ng paliparan sa bansa para sa mga paalis at parating na flights.
Sa panibagong pahayag, sinabi ng DOTr na base sa pasya ng National Task Force Against COVID-19 ay ang mga parating na international flights ang suspendido.
Dahil dito, sinabi ng Manila International Airport Authority (MIAA) na tuloy ang mga paalis na flight ngayong araw.
Kabilang dito ang mga sumusunod na flights:
Qatar Airways
QR 933 Manila – Doha
Singapore Airlines
SQ 917 Manila – Singapore
Korean Airlines
KE 624 Manila – Incheon
Sa abiso ng MIAA maaring mabago pa ang schedule ng flights kaya mabuting makipag-ugnayan sa airline companies bago magtungo ng paliparan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.