QC gov’t, pinagpapaliwanag ang public officers na sangkot sa pambubugbog ng fish vendor

Naglabas ng show cause order ang Quezon City Government sa pamamagitan ng City Legal Department laban sa ilang QC Task Force Disiplina personnel na sangkot sa pambubugbog sa fish vendor dahil sa hindi umano pagsusuot ng face mask.

Ayon sa QC LGU, pinagpapaliwanag ang ilang QC Task Force Disiplina personnel ukol sa naging aksyon sa insidente.

Pumunta ang ilang abogado at imbestigador kung saan nangyari ang insidente sa bahagi ng Barangay South Triangle para makakuha ng karagdagang ebidensya.

Nirekomenda ni Rannie Ludovica, pinuno ng Task Force Disiplina na suspindehin ang mga sangkot na opisyal habang isinasagawa ang imbestigasyon.

“Furthermore, he instructed Task Force Disiplina to withdraw the complaint against Michael, who in turn will be admitted after his lawful release to the Quezon City Drug Treatment and Rehabilitation Center at Barangay Payatas for assessment, evaluation, treatment and care in view of his positive drug test result,” saad sa inilabas na pahayag.

Tiniyak pa ng QC LGU na ikinokonsidera nila ang karapatang pantao ng mga residente sa lungsod at hindi nila papayagan ang anumang paglabag sa pagpapatupad ng batas.

Kasabay ng istriktong pagpapatupad ng batas, nagpaalala ang QC government sa mga residente sa lungsod na sumunod sa mga panuntunan.

“This City assures all residents that while it strictly applies the law at all times and strongly advises the public towards strict compliance, it remains sensitive in the same degree on equally important issues which have emanated from this unfortunate incident,” pahayag pa nito.

“Human Rights violation will be fairly and swiftly dealth with, while the problem of drug use is continuously being approached in a humane and caring manner,” dagdag pa ng QC LGU.

TAGS: