Lalaki nahulihan ng bote-boteng alak, baril at mga bala sa checkpoint sa Payatas
Arestado ang isang lalaki matapos itong mahulihan ng bote-bote ng alak, baril at mga bala nang parahin siya sa checkpoint sa Barangay Payatas sa Quezon City.
Kinilala ng mga tauhan ng Quezon City Police ang suspek na si Brando Busca, 39 anyos na residente ng Brgy. Commonwealth.
Sa imbestigasyon, hinarang ng mga nakamando sa checkpont ang isang kulay puting Nissan pick-up na may plate number na NCJ 5168 para isailalim sa thermal scanning.
Sa isinagawang inspeksyon, nakita sa loob ng sasakyan ang 27 bote ng emperador light na tig-iisang litro.
May nakumpiska rin sa suspek na isang 9MM na baril, dalawang magazine na may 15 mga bala
May dala din itong cash na aabot sa P12,600.
Dinala na sa Station 6 ng QCPD ang naturang suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.