Mag-asawa sugatan sa aksidente sa Commonwealth
Nasugatan ang mag-asawang sakay ng isang motorsiklo sa aksidenteng naganap sa westbound lane ng Commonwealth Avenue sa Quezon City.
Naganap ang aksidente alas 5:44 ng umaga sa harap lamang ng Shopwise sa Commonwealth Avenue.
Sangkot sa aksidente ang isang Everlasting Bus, isang Mitsubishi Lancer at ang motorsiklo na sinasakyan ng mag-asawang sina Rey Tuay, 36-anyos at Marilyn Tuay-32 anyos.
Kapwa nagtamo ng galos at sugat sa binti ang mag-asawa.
Ayon sa mag-asawa, binangga sila ng kotse habang binabagtas ang kahabaan ng Commonwealth.
Hindi naman maipaliwanag nang mag-asawang Tuay kung paanong nasangkot sa aksidente ang bus.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.