Lahat ng visa interviews kanselado na hanggang May 4 ayon sa U.S. Embassy sa Maynila
Kinansela na ng U.S. Embassy sa Pilipinas ang lahat ng immigrant at nonimmigrant visa interviews na naka-schedule hanggang sa May 4.
Kasunod ito ng pasya ng pamahalaan na palawigin pa ang pag-iral ng enhanced community quarantine hanggang sa April 30, 2020.
Sa abiso ng embahada, sa sandaling matapos na ang pag-iral ng ECQ, lahat ng apektadong visa applicants ay kailangang ipa-reschedule ang kanilang visa interviews.
Maaring tumawag sa call center ng U.S. Embassy sa (632) 77792-8988 at (632) 8548-8223.
Pwede ring gawin ang pagpapa-reschedule sa online appointment system, bisitahin lamang ang ustraveldocs.com/ph
Walang sisingiling fee sa pagpapabago ng appointment habang ang visa application fees naman ay valid sa loob ng isang taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.