Quezon City isinailalim sa state of calamity
Nagdeklara ng state of calamity sa Quezon City dahil sa dumaraming kaso ng COVID-19.
Ayon kay Belmonte, ito ay kasunod ng pagdedeklara ng state of public health emergency ni Pangulong Rodrigo Duterte.
Mayroon nang 6 na kaso ng COVID-19 sa Quezon City.
Nanawagan si Belmonte sa mga magulang at sa mga opisyal ng barangay na panatilihing ligtas sa tahanan ang mga bata.
Pinababantayan din ang mga public space kabilang ang mga mall, computer shops at community spaces.
Sa pribadong sektor, hiniling ni Belmonte na mabantayan ang kalusugan ng kanilang mga manggagawa at ikunsidera ang pagpapatupad ng flexible work arrangements.
Sa mga may-ari ng establisyimento, hinimok ni Belmonte ang regular na pagsasagawa ng sanitation.
Sa mga residente naman, kung may mahalaga talagang lakad at kailangang lumabas, kailangang iobserve ang social distancing.
Sa mga may concern, maaring tumawag sa City Hotline number 122 at iba pang government hotlines.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.