Malacañang reporters, PCOO personnel pinayuhang mag-self quarantine
Inirekomenda ni Presidential Communications Operations Office Sec. Martin Andanar ang mga miyembro ng Malacañang Press Corps (MPC) na sumailalim sa self-quarantine.
Partikular na pinasasailalim sa self-quarantine ang mga dumalo sa nagdaang economic press briefing kung saan ang mga opisyal ng Department of Finance (DOF) at Bureau of Internal Revenue (BIR) ang resource persons.
Ayon kay Andanar, bago ang briefing, ang mga dumalong DoF officials ay nagkaroon ng contact kay Finance Secretary Carlos Dominguez na ngayon ay naka self-quarantine matapos magkaroon ng exposure sa isang pasyenteng kumpirmadong may COVID-19.
Iniutos n ani Andanar ang pagsasagawa ng sanitation at disinfection sa Malacañang Press Briefing Room, Press Working Area, at iba pang bahagi ng New Executive Building (NEB).
Ayon kay Andanar maging ang mga tauhan ng PCOO ay pinapayuhan din na boluntaryo nang mag self-isolation at magpatingin kung makararanas ng sintomas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.