Mga kasambahay sa Bicol Region may dagdag na P1,000 kada buwan sa kanilang sahod
May dagdag na P1,000 sweldo kada buwan ang mga kasambahay sa Bicol Region.
Ayon kay Joel Gonzales, direktor ng Department of Labor and Employment (DOLE) sa Bicol mula sa P3,000 ang mga domestic workers sa chartered cities at first-class municipalities sa Bicol ay tatanggap na ng P4,000.
Mula naman P2,500 ang mga kasambahay sa second hanggang sixth class municipalities ay tatanggap na ng P3,500.
Samantala, ang minimum wage sa Bicol Region ay magiging P335 na mula sa kasalukuyang P310.
Ang unang bahagi ng dagdag na P10 ay ibibigay sa unang linggo ng Abril habang ang P15 pa ay ibibigay sa July 1.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.