Canteen ng Sugar Regulatory Administration, nasunog
Tinupok ng apoy ang canteen sa ground floor ng Sugar Regulatory Administration (SRA) sa Agham Road kanto ng North Avenue sa Quezon City.
Nagsimula ang pagsiklab ng apoy alas 4:20 ng umaga.
Ayon kay Quezon City Fire Department Chief, Jesus Fernandez, maagang dumating sa canteen ang cook na si Vicente Dadivas para magsaing.
Habang kumukuha aniya ng bigas si Dadivas ay nakarinig ito ng malakas na putok mula sa kisame na pinagmulan na ng apoy. Agad kumalat ang usok sa ground floor.
Alas 4:54 ng umaga nang maideklarang under control na ang sunog sa SRA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.