National at regional activities ng mga paaralan, maari nang ibalik sa Feb. 24 – DepEd
Pinayagan na ng Department of Education (DepEd) ang mga paaralan na ibalik ang national, regional at off-campus activities sa February 24.
Ito ay matapos maantala ang ilang aktibidad ng mga mag-aaral dahil sa banta ng Coronavirus Disease o COVID-19.
Sa inilabas na memorandum, kailangang sundin ang lahat ng precautionary measures ng DepEd at Department of Health (DOH).
Sinabi pa ng kagawaran na lahat ng personnel at mag-aaral na tutuloy sa mga personal na lakad sa mga bansang may kumpirmadong kaso ng COVID-19 sa Pebrero ay kinakailangang sumailalim sa mandatory self-quarantine sa loob ng 14 na araw simula sa petsa ng pagbalik sa Pilipinas.
Ipinag-utos din ng DepEd sa mga paaralan na magsagawa ng school-wide general cleaning at pinaigting na disinfection efforts tuwing Sabado at Linggo.
Hinikayat naman ng kagawaran ang mga pribadong paaralan na i-adopt ang precautionary measures na itinakda ng DepEd laban sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.