Northern Luzon apektado ng Amihan; easterlies, umiiral naman sa Visayas at Mindanao
Tanging ang northern Luzon na lamang ang naaapektuhan ng Amihan.
Sa weather forecast ng PAGASA sa susunod na 24 na oras, makulimlim na panahon ang mararanasan sa Cordillera Administrative Region at Cagayan Valley na mayroong mahihinang pag-ulan dahil sa Amihan.
Ang Metro Manila naman at nalalabi pang bahagi ng Luzon bahagyang maulap na papawirin ang iiral na mayroong isolated na pag-ulan.
Sa buong Visayas at Mindanao naman makararanas din ng isolated na mga pag-ulan dahil sa Easterlies.
Ang biglaang buhos ng ulan ay mararanasan sa hapon o gabi.
Dahil sa Amihan, nakataas ang gale warning sa mga baybaying dagat sa Northern Luzon.
Kabilang dito ang sumusunod na mga lugar:
– Batanes
– Cagayan kabilang ang Babuyan Island
– Isabela
– Ilocos Norte
– Ilocos Sur
– La Union
– Pangasinan
– Aurora
– Northern Quezon kabilang ang Polilio Islands
– Northern Burdeos
– Northern at Eastern Coasts ng Patnanugan
– Jomalig, Quezon
Sa susunod na dalawa hanggang tatlong araw sinabi ng PAGASA na wala namang bagyong makaaapekto sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.