Pangulong Duterte, hindi nangpi-pressure sa Kongreso sa franchise renewal ng ABS-CBN
Walang ginagawang panggigipit o pangpi-pressure si Pangulong Rodrigo Duterte sa Kongreso para harangin ang franchise renewal ng ABS-CBN.
Tugon ito ng Palasyo ng Malakanyang sa pahayag ni Isabela Congressman Antonio Albano na pini-pressure sila ni Pangulong Duterte maging ng ABS-CBN.
Ayon kay Presidential spokesman Salvador Panelo, sakali mang makalusot ang panukalang batas at ma-renew ang prangkisa ng TV network at i-veto ito ni Pangulong Duterte, maari pa rin namang i-over rule o over ride ito ng Kongreso.
Ibig sabihin, ang Kongreso pa rin ang may huling pasya sa prangkisa ng ABS-CBN.
Sinabi pa ni Panelo na nakausap niya mismo si Albano.
Ayon kay Panelo, ang tinutukoy ni Albano na pressure ay ang galit ni Pangulong Duterte sa ABS-CBN dahil sa hindi pag-ere ng kanyang campaign material noong 2016 Presidential elections.
Sinabi pa ni Panelo na kailanman ay hindi naging ugali ni Pangulong Duterte na manindak, manggipit o manakot kaninuman.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.