Mga senior citizen at PWD, maaari nang magtrabaho sa isang fast food restaurant sa Maynila
Maaari nang makapagtrabaho ang ilang senior citizen at person with disabilities sa isang fast food restaurant sa Lungsod ng Maynila.
Sa Facebook, sinabi ng Manila Public Information Office (PIO) na pumasok sa kasunduan ang lokal na pamahalaan ng Maynila, sa pamamagitan ng Public Employment Service Office, kasama ang Burger King.
Makikita sa larawan ang pagpirma sa kasunduan ni Mayor Isko Moreno at ilang opisyal ng Burger King.
Ayon sa alkalde, layon nitong makapagbigay ng pantay na oportunidad.
Nagparating din ng pasasalamat si Moreno sa nasabing food company para sa pagsuporta sa adhikain ng lokal na pamahalaan ng lungsod.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.