Ilang lalawigan sa Luzon, makararanas ng pag-ulan
Makararanas ng pag-ulan ang ilang lalawigan sa Luzon.
Sa thunderstorm advisory ng PAGASA bandang 3:14 ng hapon, iiral ang katamtaman hanggang mabigat na buhos ng ulan sa Tarlac, Nueva Ecija, Pampanga, Bulacan, Laguna, Rizal at Quezon.
Sinabi ng PAGASA na posibleng may kasama itong kidlat at malakas na hangin.
Ayon pa sa weather bureau, iiral ang nasabing lagay ng panahon sa susunod na isa hanggang dalawang oras.
Nagbabala naman ang PAGASA sa mga residente sa lugar na maging maingat sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.