Naitalang volcanic earthquake dahil sa aktibidad ng Bulkang Taal umabot na sa 466 ayon sa Phivolcs
Humina ang mga pagputok na naitatala sa Bulkang Taal sa nakalipas na 24 na oras.
Sa latest volcano bulletin na inilabas ng Phivolcs alas 8:00 ng umaga ng Miyerkules, Jan. 15 ay mas mahina na ang naitatalang pagsabog sa bulkan,
Ang pagputok nito sa nakalipas na 24 na oras ay nagdulot ng pagbubuga ng dark gray steam-laden plumes na umabot ng hanggang 1000 meters ang taas.
Sinabi rin ng Phivolcs na may nakitang bagong mga bitak sa mga barangay sa Lemery, Agoncillo, at San Nicolas.
Simula noong ala 1:00 ng hapon ng Jan. 12, 2020 ay umabot na sa 466 ang naitatalang volcanic earthquakes ng Phivolcs.
Sa nasabing bilang, 156 ang nakapagtala ng intensities na aabot sa pagitan ng Intensity I hanggang V.
Ayon sa Phivolcs ang nasabing paggalaw ng lupa na sunud-sunod na nararamdaman ay senyales ng patuloy na magmatic intrusion sa loob ng Taal na maaring magresulta sa muling pagsabog nito.
Nananatili sa alert level 4 ang Taal na nangangahulugang maaring magkaroon ng hazardous explosive eruption sa susunod na mga oras o araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.