Preso sinaksak ng kapwa preso dahil sa bola sa Nueva Vizcaya
Nasawi ang isang 21-anyos na inmate nang saksakin ng kapwa-preso matapos silang magkainitan sa loob ng Nueva Vizcaya Provincial Jail sa bayan ng Bayombong, araw ng Huwebes.
Kinilala ng pulisya ang biktima na si Alvin Buscas, residente ng District 4 sa Bayombong.
Ayon sa mga imbestigador, nagalit ang suspek na si Esmereldo Olarte III, 29 anyos matapos matamaan ng bola na nilalaro ng biktima.
Ilang beses na sinaksak ni Olarte si Buscas gamit ang improvised knife na ginagamit sa woodcraft sa loob ng piitan.
Isinugod pa sa Regional Trauma and Medical Center ang biktima ngunit binawian din ng buhay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.