Mga Filipino sa Qatar, inabisuhang huwag munang bumiyahe patungong Iraq at Iran
Pinag-iingat ang mga Filipinong nananatili sa Qatar.
Sa inilabas na abiso, sinabi ng Embahada ng Pilipinas sa Doha na ito ay bunsod ng tumitinding tensyon sa Gitnang Silangan.
Pinayuhan ang mga Filipino na manatiling kalmado at alerto sa anumang oras.
Tiniyak ng embahada na handa silang umasiste kabilang na ang pag-repatriate ng mga overseas Filipino worker (OFW) na maaaring maapektuhan ng tensyon.
Inabisuhan din ang mga Filipino sa nasabing bansa na huwag munang bumiyahe patungong Iraq at Iran dahil sa sitwasyon sa lugar.
Sa mga Filipinong nais humingi ng tulong, maaring makipag-ugnayagn sa embahada sa pamamagitan ng mga sumusunod:
– Assistance to Nationals hotline: +974 6644 6303 (WhatsApp at Viber)
– E-mail address: [email protected]
– Facebook: https://www.facebook.com/pages/Philippine-Embassy-Doha-Qatar (Philippine Embassy in Qatar)
Nangako naman ang embahada na patuloy nilang tututukan ang lagay ng sitwasyon sa rehiyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.